دورة تعلم لغة c للمبتدئين البرمجة في الجزائر


السلام عليكم، واش راكوم خاوتي ، اخيرا رانا درنالكم دورة تع تعلم لغة c او C Language ، لي هدرت فيها على اساسيات اللغة ، وتناولنا فيها عدة امور من مدخلات و مخرجات و تكر

.
السلام عليكم ورحمة الله تعالى وبركاته اما بعد واش راكم خاوتنا المبرمجين ، مهم ماجيتش غير نسقصي عليكم برك جيت ليوم نطرحلكوم موضوع على اهمية تع تعلم لغة البرمجة #C لي هي تعتبر ام اللغات لي والله ماعلابالي شكون راجلها (هههه حاب يخلوها سرية .... مونديال 2010)

اول حاجة لازم نعرفوها :


واشنو هي لغة C ؟
امم لغة برمجة بيان سور ماشي لغة فرنسية ولا انجليزية ... لي تعتبر ام اللغات البرمجية منها تقدرو تقولو بلي بدات البرمجة لي رانا نشوفها الان ، هي جات نتيجة فشل لغة B ولي دارو هذي اللغة هوما لي دارو نظام يونكس (نظام تشغيل )بعدما جاتهم معقد بزاف استعمال اسامبلي في البرمجة لجؤ لتغير مفاهيم البرمجة واستحداثها باش تولي اللغة ساهلة للجميع داروها واقيلا في 1973 .


واش المميز فيها ؟

انا واحد كونت حاب نليكيديها وقلت في راسي كيفاش نتعلم لغة كبيرة عليا ب 2 مرات وقلت تاني بلي انا من جيل الجديد تع البرمجة لي موالف يتعامل ببرمجة واجدة (python/javascript.....etc) تسما وعلاش نعاود نرجع للماضي لهنا تطفططنت بلي انا في الحقيقة راني نهرب من امر مهم للغاية وهو باش تتعلم اي لغة تع برمجة لازم تروح لمصدر تاعها ولقيت الجواب في c

ولي يميز لغة تع c :
1.لغة سريعة جدا خصوصا ان مترجم ديالها يعالج 1000 سطر في ثانية
2.وصول سريع لاجهزة النظام ومنها مرونة كبيرة مع الالة .
3.اغلب المبرمجين ينصحو بتعلمها فيها اسس البرمجة الكامنة
4.تعتمد على المترجم ماشي على المفسر (هذي كاين يشوفها سلبية )
5.تقدر تفهم منها كيفاش راهي رام تمشي وكيفاش يتم التخزين والمعالجة
6.راح تقدر تتعلم اي لغة تع برمجة اخرى بسهولة
7.تخلي عندك ففهم عميق للخورزميات
8.واش تستناو نقوللكم بلي تحولك الخيال الى حقيقة مثلا

كيفاش عامل ابسط سطر برمجي :

امم راح تتشوكاو يالي والفتو طباعة HELLO WORLD في سطر واحد


#include int main() { printf("This is output from my first program!\"); return 0;

ديرو كوبي كولي في نوت باد ++ باش يبان كود مليح علابالي بلي تخربطلكم راسكوم

بصح هكا يتم عمل ابسط كود برمجي فيها وخلي كمية الرعب كي تشوف كيفاش يطبعو نص وغيرها (ههههه نخليكم تتمحنو بيها )
 
واش نديرو بيها مثلا:

ماراح دير بيها والو في 2020 -2021 اصبحت البرمجة للجميع على جال هذي بذاو يظهرو لغات سهلة التعامل والفهم ومنها تخلاو على اللغات القديمة ولا طوروها باش تتماشى مع وقتنا الحالي ، و تطوير لغة C يتمثل في C++ ، وبلا مانحكي على قوة C++ ، تسما لغة C تندرج في التدريب والتعليم راح تساعدك ايلا كونت تقرى البرمجة في جامعات ومعاهد ، وكيما قولتلكم لاصحاب التعلم الذاتي راح تبنيلكم قاعدة معرفية مليحة بزاف

وين نتعلمها :

بالاك للان راك اقتنعت بل اهمية تع تعلمها افضل مصدر باش تتعلمها هو اليوتيوب (مجاني ) وعلجال هذي درنالكم دورة مكونة من فيديو واحد راح تعرف اسس البرمجة بلغة c بشرح النظري و التطبيقي وبالدارجة تاعنا تاني
واش نزيدولك يا خويا نقراوها في بلاستك ههههه

المهم هاوليك الرابط تع الدورة وربي يوفقكم جميعا
https://youtu.be/Y0L9mkC0d1s

Comments