كيفاش راح تتعلم ووين راح تتعلم وشكون يعلمك البرمجة


المهم موضوع تع اليوم راح يكون على كيفاش راح تتعلم ووين راح تتعلم وشكون يعلمك ، بون مور ما تخير مسار ديالك لازم تتاكد نتا من روحك ايلا راك تتبع واحد من الانماط ول

.
المهم موضوع تع اليوم راح يكون على كيفاش راح تتعلم ووين راح تتعلم وشكون يعلمك ، بون مور ما تخير مسار ديالك لازم تتاكد نتا من روحك ايلا راك تتبع واحد من الانماط ولا ديرهوم بين زوح
النمط الاول : التعليم الاكاديمي : لي هو عبارة عن تعلم واقعي ، تتعلم البرمجة من الجامعة ولا المعهد لي راك تقرا فيه ، و البرمجة لهنا هي متطلب باش تدي شهادة معترف بيها في الدولة تاعنا ، و يتبع هذا النمط ، الانضباط والالتزام والدراسة والاخبتبارات وحتى مششاركة المعارف مع الطلاب الاخرين ومتابعة المشرفين ، بصح من جهة مازالو تثقيل ومواكبش وتير التقدم ، مازالهوم يعلمو فيه لغات عفى عنها الزمن ولا مازالهوم يديرو مشاريع متكررة وغيرها ، يركزو على علوم الحاسوب لدرجة تعاود تولي تقرا على الفارة وكيفية انشاء مجلد ههه (بينولي العكس في ليكومنتار) .
النمط الثاني : التعلم المهني : ولي هيا عبارة عن دورة تقام في ارض الواقع تقدر تكون فيها شهادة معترف بها ولا لا ، تتميز بلي هي دورات مختصة في مجال معين و فيها طرق جديدة و تحديثاث وتواكب التطور + تتميز بجو مشابه للنمط الاكاديمي بصح خيرمناه ويتبعوك مشرفين لنهاية الدورة ، سلبياتها دورات هدوما اسعارها غالية بزاف ، وساعات تلقاهوم يديرولك امور تلقاهاهوم في النمط الثالث . + اساعاعت تكون هذي الدورات محدودة بعد المقاعد و الساعات و تكون في اماكن خاصة .
النمط الثالث : التعلم الذاتي : لي هوما الفئة الغالبة (وانا واحد منهم ) ، اي تعلم روحك البرمجة من تلقاء نفسك ، يتميز هطذا النمط بان المتعلم هو الملك ، يعني امكانيات غير محدودة في التعلم ، تقدر تقرا واش تحب في الوقت لي تحب والمكان لي تحبو ، مصادر تاعك غير محدودة (يوتيوب – كورسيرا – مقالات – كتب – منشورات ) ، بصح فيها سلبيات كيما الانماط الاولى والثانية ، مشكل تع الكسل والتهاون و عدم المتابعة والتشتت والضجر ، ساعات تكون مشكلة في البحث عن الحلول و ساعات ديموندي تبع اشخاص ومنها تولي نسخة عليهوم او ادنى .
وبيان سور كاين عباد لي يتضمنو جع الانماط و 2 نمطين مع بعضاهوم ، بصح كيما قولتلكم بلي الاغلب هوما الفئة الثالة ، بصح السؤال نتا راك تتعلم تعلم ذاتي واش من مصادر تقدر تتعلم بيهوم ، اول مصدر تتعلم بيه علبالي بلي راح تغلط وتقولي اليوتيوب ، بصح للاسف ماا شي اليوتيوب اول مصدر هو جووجل بابات اليوتيوب ،ايه لازم تتعلم اولا كيفاش تجوجلار (مانيش فاهم وين طحت بهذي الكلمة )
جووجل تساؤل على عمرك يقدر يعطيهالك هههه ، برك اعرف نتا كيفاش تحط السؤال ديالك ، نتا راك تقرا مثلا في برمجة تطبيقات الاندرويد لهنا كيفاش را يكون سؤال ديالك ، راح يكون هكا
دورة تعلم برمجة تطبيقات الاندرويد
كورس تعلم تطوير تطبيقات الاندرويد
تعلم برمجة تطبيقات الاندرويد من الصفر
برمجة تطبيقات الاندرويد للمبتدئين
وبالانجليزي
cours android devllopment
learn how to devlope android apps
free cours android developer
learn app development android
كيما راكوم تشوفو حاجة بسيطة جدا تسحق برك كي تطرح السؤال لازم تحط كلمة مفتاحية كيما ' برمجة تطبيقات الاندرويد ' او ‘learn android devlopment’ و غيرها ، حاجة بسيطة جدا تقدر توفرك مصادر لي تبغيهوم و بجميع الانواع (كتب – فيديوات – مقالات – منشورات وغيرها ) والله غير فيها خيركبير
تسما انتم ايها المبرمجين لازم تتعلمو اولا مهارات البحث في جووجل ، وتشقو رواحكمو باش تلقاو افضل المصادر ، ولا تقعدو ديما تطرحو نفس السؤال لي هو واش من مصدر يساعدني في برمجة التطبيقات واش من كرس تخرج عليا اعطوني قنوات تعلم البرمجة وغيرها
اهم حاجة لازم نتعلمو البحث باش نقدرو نتعلمو البرمجة ن نتا ايلا ماشقيتش روحك باش تبحث على مصدر كيفاش نقدر نعتبرك مبرمج راح يشقى باش يبحثلي على حل ؟ ماشي لوجيك هذي ، تسما ابحث عن المصدر لي يخروج عليك اتفرجو واقرا خطاش لازم تاني تتعرف على مجال ديالك بشكل مستفيض و تتعرف على المحتويات لي تساعدك ولا لا
هذي حاجة سرات في جروب الزيرو ويب سكوول ، لي هي واحدة سئلت سؤال قالتلهوم كيفاش نتعلم برمجة الويب ولا واش من مصدر يعاونني وواش من قناة ، ونلقى تحت المنشور 50 تعليق جع يتمسخرو بيها ويقولولها كيفاش دخلتي في جروب تع قناة زيرو وتسقسي على واش من قناة تشرح الويب ، نتي مهبولة ولا راكي تتمسخري ، منشور معمر ب ها ها ها ، قليل لي خافو ربي و وراولها ، بصح لهنا لازم نديرو تحليل لواش سرا .
اولا الاخت راهي سقسات بلا ماتدري بلي راهي في جروب تع الزيرو ولي هو قناة بحذ داتها تعلم برمجة الويب ، تسما احراج لمول القناة في حالة دكرو قناوت اخرى ، ولا اجلال ليه في حالة ما ذكروه ، كلتهما فادحتان ( لايغرنكم المدح ولا يضرنكم القدح ) ، والثاني انها اصبحت فريسة للمتصيدين ن لي يستناو اي حاجة مضحكة باش يطلع بيها نيفو ديالو هم، والاسؤ ان الاخت تكومليكسات وماولاتش تنشر وبالاك خلات لجروب ولا بدلت المجال على جال غلطة كيما هاذي
ثانيا : عقلية الناس تتمحور على شكون لي راح يطرح السؤال المميز ولي يجاوب بتميز ، ابار هدوما راح تتعرض لموجة من صدمات السلبية من قبل الناس في حالة السؤال والجواب
ونسنتجتو في هذي الحالة بلي قلة تع المعلومات راح تخليك محرج ( ولاحظو مليح بلي قلة المعلومات = قلة البحث عنها ماشي معناها مبتدى ولا مازال جديد ) لهنا لازم نلومو الاخت خطاش ما بحتتش في لحكاية ولا ماكسرتش راسها ، كيفاش راح يحكم عليه اي واحد راح يحكم عليها بلي ما بدلتش جهد باش تحوس على المعلومة كيفاش راح تبدل جهد على حل مشكلة في البرمجة
تسما لازم تبحث في البرمجة وتلقى الحل ، وبداية لازم تخيير مصادرك انت و تنصح بيهها الناس وناس بدورها راح تخيير الفاضل ليها وراح تنصح الاخرين
تسما ديرها في راسك لا زم تكون ' جووجلر ' قبل ماتولي مبرمج
كاينة طريقة اخرى ننصح بيها الناس ولي هي جروبات تع الفايسبوك ولا مجتمعات تع البرمجة في الفيسبوك مليح تشارك فييها وتشوف الناس وين راح توصل وولا وصلت وامور مفيدة ادرب طلة على هذا الفيديو راح تشوف افضل الجروبات الجزائرية ومنها هذا الجروب تاني
و افضل المصادر راح تلقاهوم في رابط لي درتو في الاعلى والمنشور الاولاني راح تلقى فيه واش تسحق .
ولهنا وصلنا للنهاية نتمنى تشاركو معانا بنمط لي راك تتبعو باش تتعلم البرمجة والسلام عليكم

Comments